Tatala le Hawaiian Air e tulaueelele i Amerika Samoa

Written by: Tosimaea Tupua

O lea ua failoa mai e le Faatonu o le Matagaluega o Puipuiga o le Lotoifale ia Samana Ve’avea ua maea nei ona tuuina atu le faatanaga i le Kamupani vaalele o le Hawaiian Air e tulaueelele ai i Amerika Samoa. 

O le malaga lenei a le Hawaiian Air na faamoemoe e taunuu mai i le aso ananafi, Iulai 14, 2022 aepeitai ona o tulaga faaletonu o le tau ua mafua ai ona le faataunuuina. E pei ona auna atu i se ripoti i le aso ananafi, o tulaga louloua o le tau na aafia se vaega e tulaueleele ai vaalele.

“Ua maea galuega sa faia e faamama ai le vaega lea o le malae vaalele e aveese ai laau ma otaota ua lafoai ane i luga o le malae vaalele. Ua maea foi ona fufulu ma faamama vaega uma mo le saogalemu o le taunuu mai o le faigamalaga”. Na saunoa le Faatonu, o le a mata’itu pe le tulaga o le a oo iai le tau ae mo le taimi nei o lea ua maea ona fa’aoo le feau i le susuga i le alii pule ia Tuli Fruean e faataga le vaalele e malaga mai.

O le taeao nei lea na oo atu ai le Kovana Sili ia Lemanu, o le Loia Sili ia Fainuulelei, faapea ma le Faatonu ia Samana e silasila i vaega ua faaleagaina

E silia ma le 200 le aofai o le pasese lea ua fuafua e malaga mai i Amerika Samoa i le afiafi. O le ta o le 9 ua fuafua e taunuu mai ai le malaga i fanua. O tagata uma o le pasese o le siaki mo le koviti 19 pe a taunuu mai.  O le ta o le 9 i le po nei e fuafua e taunuu mai ai le malaga.